رامي السيد

قصة بطلنا رامي السيد هي أكبر دليل على التخطيط السليم في التعامل مع الإصابات، رامي السيد، 38 سنة، قابله تحديات عبارة عن أكتر من إصابة، رامي كان بيعاني من قطع كامل في عضلة الباي وكان عنده ديسك، وعمل عمليات كتير واتعالج وبقى مؤهل إنه يرجع يتمرن تاني بس بحذر شديد لإن كان ممكن الإصابة ترجعله تاني.

فريق العلاج الطبيعي في SST راجع كل التقارير الطبية لحالة رامي وتم التنسيق بين فريق العلاج الطبيعي وخبراء باقي الأقسام التدريبية، عشان نصممله برنامج تدريبي مناسب لإصابته وبيضمن عدم تضاعفها، تم تقليل شدة تمارين الصدر والكتف، ومنع بعض تمارين الظهر لتجنب تضاعف إصابة الديسك.

على الرغم من تقليل ومنع بعض التمارين، قدر رامي بالتزامه على البرامج اللي اتصممت بناءًا على حالته إنه يحقق تطور، يحافظ على أوزانه في الاختبارات وكمان نسبة دهونه قلت وكتلته العضلية زادت.

قصة رامي بتلهمك وبتأكدلك إن الإصابة مش هتمنعك من إنك تحقق تطور في لياقتك وتعيش أسلوب حياة صحي أكتر. لإن ده الدور الأساسي لفريق العلاج الطبيعي في SST، إن يتم تصميم البرامج التدريبية تحت إشرافه عشان يضمنلك عدم تضاعف الإصابة ويزودلك مرونة المفاصل وبالتالي تحقق تطور وتوصل لهدفك ايًا كانت التحديات اللي بتقابلك.