هل أنت مستعد تكتشف أفضل نسخة منك؟

لو كلت كتير بغض النظر عن نوع الأكل، هتزيد في الوزن، لكن المشكلة هنا هي إنك هتزود دهون أكتر من عضلات، وده بيُسمى Dirty Bulk. في الـ Dirty Bulk، الناس بتركز على تناول كميات كبيرة من الأكل بدون الاهتمام بجودته، زي الفاست فود، الحلويات، والمشروبات الغازية. فعلى الرغم من إنك ممكن تزيد في الوزن بسرعة، لكن الوزن اللي هتكسبه هيكون أغلبه دهون، مش عضلات. طبعًا الطريقة دي مش صحية لأنها هتسببلك مشاكل زي تراكم الدهون في الجسم، وهتضطرك بعد كده تدخل في مرحلة تنشيف Cutting طويلة ومرهقة للتخلص من الدهون الزيادة، وده هيعرضك لخسارة جزء كبير من الكتلة العضلية اللي كنت بتحاول تكتسبها! الحل الصحي واللي بنعمله ليك في SST هو الـ Clean Bulk، واللي فيه بنركز على زيادة الوزن بطريقة مدروسة وصحية، عن طريق تناول أكل متوازن وغني بالبروتينات، الكربوهيدرات المعقدة، والدهون الصحية، ده بيساعدك تبني كتلة عضلية حقيقية وتحافظ على نسبة دهون قليلة، وده معناه إن شكل جسمك هيكون أحسن وصحي أكتر، والنتائج هتكون أسرع ومستمرة على المدى الطويل.